<![CDATA[DUNGUG KINARAY-A INC. - Pamangkot]]>Sat, 04 Nov 2023 13:10:04 -0400Weebly<![CDATA[Barkada]]>Tue, 03 Feb 2015 00:14:01 GMThttp://dungugkinaray-a.com/pamangkot/barkada
Picture
Halin sa http://sherrik.loveitsomuch.com/stores/three-friends-art-print-watercolor,422445.html


Barkada
ni Mirah Day A. Ballarta


Sa mga oras nga kita iririmaw
Mabatian nasarisari nga mga labutaw,
Indi gid mapunggan ang magkinadlaw
Wara ti oras, gabii man ukon adlaw.

Indi magpanaw kon kulang ang isara
Kon nabayaan, nagasunggarut ang itsura
Kinahanglan komplito maskin sa pagkaun
Nagabuliganay sa oras kang pagtuon.

Padir nga masandigan …
Sa mga oras nga kinahanglan kang tabang
Iririmaw sa kasubu kag kasadya
Nagahinugpong kaangay kang kadina.

Salamat sa inyo mayad nga barkada
Ginapalangga ang tagsa-tagsa,
Ang kabuhi nangin malipayun
Sa mga pagsulay, nangin madinarag-un.
]]><![CDATA[Pamangkot]]>Mon, 29 Dec 2014 06:27:33 GMThttp://dungugkinaray-a.com/pamangkot/pamangkot
Picture
Himo ni Elvin Aytac halin sa http://www.elvinaytac.com/en/artwork/watercolor/


Pamangkot
ni Mirah Day A. Ballarta


Samtang ako nagapungko nga isarahanun
Sangka pamangkutanun nagsulud sa akun paminsarun,
Paano ko madab-ot ang mga bituon
Nga nagatugro kasanag sa akun pagpanakayun?
Duro nga mga bagay ang gusto ko maangkun
Piro ano ang sarang ko nga himuon?
Ako nagpangayo tabang sa Dyos nga makagagahum
Kinahanglan magpakabakud kag indi maduraan paglaum.
Mga bagay nga nagabutung kanakun paidalum
Dapat lagpasan kag magpangita tigayon,
Itanum sa hunahuna kag tagipusuon
Ako palangga kang Dyos nga maluluy-on.
Duro pa nga bugas ang akun makaun
Bag-o ko madab-ot ang tanan nga mga handum,
Piro dya tanan akun maagum
Tuon, antos, mga pagsulay di ko pagsapakun.
]]>