Sal-ut
ni Maria Milagros C. Geremia-Lachica
Pinakaurihi nga byahi. Piriliti sa dyip gid lang kwarta na. Kon indi tana makasal-ut, mapiritan magtraysikul. Mayad kon may drayber nga “cash on delivery,” sa balay lang bayad.
“Aguy, may lugar pa?”
Nagsinggit ang konduktor, “Abi ,Sir, palihog kimpit-kimpita lang anay. Klos yur buk agud makasal-ut si Inday.”
May nanaog. Makabit lang kuno. Si Paking. Ginpasalamatan na piro nag-init ang anang uyahun sa kahuya. Ginyawyaw na dya kato sa baylihan hay baho ka tuba.
Pagpungko na daw nagkupus anang lawas, sa pagkagamay nga bisan wara magkabit si Paking, sarang pa makasal-ut sa ingud na.
- Katapusan -