|
Bayhun mo maarikaya Yuhum mo manayanaya Kalipay mo, kahilwayan ko Gogma mo, kabohi ko Himpit kag bog-os ang atun pag-imaway Nangibabaw ang matam-is natun nga paghirupay. Sa hinali, nagbag-o ikaw Indi ko mahangpan kon ano ang imo ginpili Nangin abyan run lang ako kanimo, sa mabugu nga tyimpo Loha kag kasakit ang akun naagum Wara ako ti may mahimo Tungud koon mo hasta run lang rugyan. Kamingaw ang naglumus sa akun dughan. Ang nahambal ko lang: Hulata ako sa kapawa Sa atun pagkitaay, kita mangin malipayun Hay mangin hilway kita magpadayon Ka atun tampad kag pag-un nga pag-abyanay Tubtub sa katubtuban. |