|
Tabongos ako kon tawgun bahul nga baskit nga ginrara nga kawayan hasta sa lima ka kaban ako masudlan ka ginatibung nga paray Ang akun magorang nga si Bog-o hasta sa napolo ka kaban ang masarangan Ang amun libayun nga si Boyos sarang mabitbit kag mapas-an anggid ka bata-gamay nga sarang makungkung. Ang amun takup ginrara nga daw amakan ginapilpilan ka bisagra para indi masudlan ka balabaw nga masami gaharab ka pinabay-an nga paray. Arosira ang amun abyan ang inogpagaling nga paray ginasag-ub pa kanamun. Kon may luyag maghuram, kami ginasarokan bisan pira pa ka gantang. Imaw nanday Bog-o kag Boyos kami masami nagapongko sa tambi nga may atup ka daan nga balay, gahulat ka paray ka mapisan nga panimalay. |